好想放一個長假！！好好地休息一下！！因為身心都覺得好疲倦！

尋日咳到有少少出血，所以去睇了醫生！結果…

今日係鋪頭返工的時候，食左藥，o的藥太勁啦！！

食到我手震腳震同心跳加速，仲有少少暈添！結果要走返過隔離換過隻無咁勁既藥！

呀~~~我尋日係鋪頭個倉到換衫個時，我同事走左入黎睇到呀！！無言到爆！！

呵呵~~~~~~今日出左去書展賣左三百幾蚊書返黎！！賣完咁我地就去食野啦！！

咁我本身就已經行到無乜力嫁啦！！之後行去食野個時勁多樓梯要行，

行完一次又一次，已經行到爆左句"what the …"嫁啦！！

終於行到去雞記本來心諗：呀~~終於到啦！！點知……又係樓梯！！

結果我爆左句："what the fuck！！又係樓梯！？"

結果我地成班人行到上去，個個都好似得返半條命咁！！

尋晚(27號)自己一個係廳到，無開燈的情況底下睇左28 weeks later，勁正！！

超想睇埋第二集！！

發生於4號的！！事原係：有位小姐要用湯卷拎湯同用東亞信用卡簽卡買湯卷的！！

但係當時客人開始越來越多大概有十幾位客人等收錢的！！

而當時店長有入黎幫我收其他客人的錢的！！我心想：咁多人！簽卡同數卷同步啦！！

咁我當時係keep住果位小姐的信用卡同埋等卡機出果張簽卡紙的，然後我先數卷俾佢睇的！！數完之後拎埋送的果一盅湯俾佢！！

跟住就完全唔記得左果位小姐未簽卡的！！就去做左其他事！！

等到班客人差不多走晒店長就發現有人留低左張信用卡係到，咁先記起果位小姐係未簽卡的！！

但係果位小姐已經走左！但係佢的信用卡就係我手上！！當時我跑出去搵的時候，人都唔知去左邊了！！

結果係店長打上去卡中心到話有客人留低左張信用卡係到要求卡中心連絡返卡主，仲留低左鋪頭電話的！！

但到落閘都未打返電話返黎！！店長話俾多日時間我(即今天)！！如果果位小姐唔返黎簽返張單的話我就要賠錢喎！！

嗚嗚嗚~~~我o的鼠鼠打交呀！！有一隻俾其他的咬到個肚同手全部都係牙齒印呀！！

佢宜家仲唔俾我抱佢添呀！！一定係痛得好緊要啦！！好心痛呀！！

今日忙到死呀！！都唔知係唔係班火星人錢多身痕呀~~

１１：３０行到出去正要落閘果下就成班人走晒入黎！

搞到我都落唔到閘，差唔多要成１２：００先落到閘！！

結果要OT到成１２：３０先走到！！到收工條數好似有成萬三差唔多有萬四呀！！

佢地都痴線嫁！！尋日(30)仲講緊一萬都做唔到呀！！今日就做差唔多萬四喎！！低脂嫁~~~~~~~

 

唉~~可能要調鋪呀~~~好似話要調去馬安山添呀！！真係唔想！！

我最怕化妝的！麻煩到死！！但而家返工仲要化妝，超想死呀！

25號果日係要返工的！！

但係中午食飽飯見仲有時間所以行左出去櫃員機到拎錢啦！！

當我去到的時候，兩部機都係無人的！

因為我個同事之前試過係左邊個部機到食卡，所以我唔敢用呢部機！

所以我行過去右邊的！！

但係右邊的櫃員機出錢位大約睇係有最少十張一百蚊紙係到！！

我當時見到反應只有呆了！！

幾秒後就諗：我好唔好拎左去呢？！多幾百蚊用都好呀~~

但係我又諗：如果我係卡主的話，我又會無左舊錢好慘喎！！

之後我決定唔拎走o的錢，諗住拎部電話出黎影低呢次神奇的經歷的時候……

部機"拍"一聲！收返o的錢入去喎！！話要卡主向發卡銀行連絡喎~~~~

但係我心諗兩部機都神神地的！！但係呢部宜家神左！！

都係去左邊呢部拎錢好o的！！大不了都係食卡！！

而唔係我已為無錢拎，但係等我走左先有錢出呀嗎！！

不過都好彩！！無發生咩事！！無食卡又拎到錢！！

今日(14號)聽公司電話果時傻左！竟然講左句"你好！歡迎光臨！"

搞到副店係電話入面勁笑，仲問我係唔係傻左！！無奈到爆！！

呀~~~~~終於放工返到屋企啦！！但係個頭勁痛！！

仲有少少想嘔o既感覺！！都唔知係唔係凍親！！

勁眼訓！！頂唔住啦！！要去訓啦！！閃人！！

呀~~今晚收夜(23號)，但係聽日九點半要出到去觀塘開會，開到1點幾，

開完仲要返工，到夜晚12點先收工呀！！之後第二日仲要返工，無假放！！想死！！

終於返到屋企！！真係想死！！等左差唔多有45分鐘都無巴士黎，

最後都係同同事坐的士返屋企時經過先見到，

原來係三部巴士係嘉福巴士站撞車！！塞晒兩條線行都行唔到，

勁多部273A巴士、仲有機場巴士等等等等o既車塞到去紅緣燈位！！

見到都O晒嘴！！坐飛機o既人就真係多得呢三部巴士唔少啦！！

 

我間鋪會轉啊頭睇場呀！！人手方面有機會完全重整！！

我都唔知會唔會俾人調走添呀！！副店又話行到無路行的話，佢o既最後一步就係離開！！

危險的日子！！心驚驚！！！

唉~~~真係好想轉工呀！！

份工食飯又唔定時，但就一定要你係五點前食完！之後就唔可以再食喎！

企到我隻腳又痛！腰又痛喎！！

早排返貨果時先整親條腰！！ 有時企得太耐條腰又會痛喎！！

仲要日日返工都係係咁sell人買卷、買月餅。

上個月o的卷sell得咁"行"，宜家邊到得黎咁多人未買啊！！

優惠又無之前咁多！真係呀！！點sell呀！！

中秋又未到o的人邊會咁早買月餅呀！！就算買都唔買公司呢o的啦！！

當然係去美心呀、榮華呀、聖安娜、恆香呢o的啦！！

唉~~~~~~~~~~今日仲話要我sell兩套喎！！點sell呀？

大盒唔好食既，細盒就好食但係就要買晒兩盒即係一套先有野送！！

再唔係就要買大盒既先有野送！！

宜家個個都係買細盒既！情願唔要有野送都只係買細既！！

我今日企係門口sell左差唔多半日一套都買唔到！

只係買左兩盒細既！！再唔係就直情唔買走人添！！

早前我家o的鼠鼠打架，打到隻鼠媽媽耳仔周圍流晒血。

後來慢慢好返啦！但係媽媽有一耳隻仔無o左！！

宜家睇佢個樣怪怪的！！

我今日勁累！隻腳好似就來斷咁！仲要坐唔到尾班九巴返屋企，

搞到要周圍打電話問人邊到有車坐返上水，我個fd話"再唔係你飛的過來我家訓啦！"

但係返到自己屋企當然返屋企訓啦！！結果走去問個已經收工的輕鐵車長，

佢話大馬路個邊有小巴係返上水的，到後來佢仲帶我去到ok個到指俾我睇同我講就係呢到坐車的！！

結果我返到上水都1:50啦！去買埋M記買野食，搞到成2點先返到屋企！

唉~~~涼又未沖、o的鼠鼠又未整，睇來今晚又要五點先可以訓啦！！

天呀~~~~~~點頂呀？我隻腳就來斷啦！！又唔夠訓！！會死嫁~~~~~~

我真係估唔到o的人可以咁樣！講過o既事可以當無發生過！

張錯推返別人身上！

仲會反問返你：有件咁o既事咩？你唔係真係去左呀？

我真覺得佢好賤！

完全唔想同佢再講落去，所以我cut佢線！！